Како и секоја година, традиционално се доделуваат оскари на калчото. Тоа е како една манифестација која секогаш е пропратена во многу гламур. Оваа година, манифестацијата ќе се одржи во централниот театар во Милано, која е во организација на италијанската фудбалска федерација. Оваа манифестација која се одржи вчеравечер, односно на 23 јануари 2012 година, беа повикани 5 играчи од екипата на Милан, а тоа се: Масимилиано Алегри, Тиаго Силва, Кевин Принс Боатенг, Стефан Ел Шарави и Златан Ибрахимовиќ. На оваа манифестација се доделуваат оскари за: најдобар тренер, најдобар голман, најдобар дефанзивец, најдобар среден играч, најдобар напаѓач, најдобар млад напаѓач, најдобар фудбалер во лигата, најдобар италијански фудбалер, најдобар стрелец, најдобар италијански клуб и најдобар судија.

Вчера во Милано се одржа 15 издание од оскари на калчото, а и очекувано актуелниот шампион на Италија, Милан доминираше во изборот на најдобрите.

Еве ги и добитниците на Калчо Оскарите:

-најдобар тренер: Масимилиано Алегри (Милан)

-најдобар голман: Самир Хандановиќ (Удинезе)

-најдобар дефанзивец: Тиаго Силва (Милан)

-најдобар среден играч: Кевин Принс Боатенг (Милан)

-најдобар напаѓач: Златан Ибрахимовиќ (Милан)

-најдобар млад напаѓач: Стефан Ел Шарави (Милан)

-најдобар стрелец: Едисон Кавани (Наполи)

-најдобар клуб: Удинезе

-најдобар судија: Никола Рицоли

Милан, кој денеска гостуваше во Новара, успеа да ја совлада со 3:0. Стрелци на натпреварот беа Робињо и Златан Ибрахимовиќ, кој постигна 2 гола.

Во првото полувреме Милан создаде многу шанси, но никако да стигне до посакуваното водство, па затоа резултатот во првото полувреме беше 0:0. Во второто полувреме, тренерот на Милан, Алегри се одлучи да игра поофанзивно, па уште во 45 минута направи замена Антонини – Ел Шарави. Потоа на позицијата лев бек се врати Емануелсон, а пак Ел Шарави играше во нападот заедно со Златан Ибрахимовиќ. Во 57 минута, асистент на првиот гол за Милан беше Амброзини, а погодокот за водство на Милан го постигна швеѓанецот. Потоа младиот фараон, Ел Шарави имаше една прекрасна шанса, но за жал не постигна погодок. Во 74 минута, Ел Шарави асистираше до Робињо и така Милан го постигна својот втор погодок. Во 90 минута, играчот на натпреварот, Златан Ибрахимовиќ го постигна својот втор погодок на натпреварот со една фантастична пета, а со тоа ги стави конечните 3:0.

Милан во наредното коло е домаќин и игра против екипата на Каљари. Натпреварот ќе се одигра во недела во 20:45 часот.

Јапонскиот спортски весник “Nikkan Sports” објави информација дека Милан го следи Шинји Кагава. Покрај заинтересираноста на Милан, во трката за јапонецот е и англискиот клуб, Манчестер Јунајтед. Доколку Кагава се пресели на Сан Сиро, тогаш тој трансфер ќе се случи само на лето.

“Се разбира дека еден ден ќе потпишам за клуб, кој што ќе ја освои Лигата на Шампионите и својата лига. Сега, не размислувам да го напуштам Дортмунд, но на лето, најверојатно ќе заминам во некој голем клуб.” – изјави јапонецот.

Шпанските медиуми пренесуваат дека италијанскиот шампион, Милан сака во зимскиот преоден рок да го доведе во своите редови 24-годишниот играч од средниот ред на Реал Мадрид, Естебан Гранеро.

Гранеро ги помина сите медицински категории на мадридскиот клуб, но оваа сезона има одиграно само три првенствени натпревари. Покрај Милан, има многу заинтересирани клубови, а тие се: Арсенал, Ливерпул, Малага, кои веќе имаат доставено понуда до шпанскиот клуб.

Во интервју за “ET”, тренерот на ПСЖ, Карло Анчелоти изјави дека сака да го доведе легендарниот напаѓач на Милан, Филипо Инзаги.

Инзаги оваа сезона одигра многу помалку него што играше минатата, но поради тоа би можел да си замине. Порано ветуваше дека кариерата ќе ја заврши во Милан. Многу клубови се заинтересирани за него, како Новара, Џенова, Удинезе и многу други кои неможат да ги прифатат неговите услови, бидејќи неговата цел е да постане најдобар стрелец во Лигата на Шампионите.

Сепак, од друга страна ПСЖ, кој е лидер во француската лига и кој извесно време, следната година ќе биде во елитното натпреварување, би можела да биде новата средина на италијанецот.

Филипо Инзаги ако замине во ПСЖ, ќе мора повторно да соработува со Анчелоти, кој му беше поранешен тренер. За сега сеуште нема официјална потврда да би можело да дојде до преговори, но можеби италијанскиот стручњак да биде упорен кога е Инзаги во прашање.

Претседателот на Џенова, Енрико Прециози вели дека има можност Меркел да ја напушти Џенова и да се врати во Милан.

Повредите на Гатузо и Аквилани, како и долгото отсуство на Фламини ги принудува “росонерите” да го вратат русокосиот играч во јануарскиот период. Sky Speciale Calciomercato тврди дека Милан и Џенова постигнале договор и дека зделката за краток период ќе биде официјално потврдена.

Голманот на Твенте, Николај Михајлов е многу блиску до трансфер во Милан. Тој беше прогласен за фудбалер на годината за 2011 година на Бугарија.

Според холандските медиуми, кои го цитираат весникот, новиот договор на тренерот на Милан речиси сигурно ќе го испрати голманот на Твенте на Сан Сиро на лето.

Масимилиано Алегри потпиша нов договор со Милан до 2014 година. Тој е голем љубител на бугарскиот голман и според италијанските медиуми за него се интересираше уште во летото 2011 година, но тогаш трансферот не се исплати.

“Росонерите” бараат млада класа на голман, кој ќе ги замени Марко Амелија и Флавио Рома. Самиот Михајлов изјави по добивањето на наградата дека му е време за голем клуб, а повеќе изрази желба да заигра во Серија А.

“Ла Штампа” смета дека Милан ќе исплати 7.5 милиони евра за поранешниот голман на Левски, кој моментално игра во холандскиот гигант, Твенте.

Агентот на Карлос Тевез, Киа Јорабчијан потврди дека аргентинецот има сеуште шанси да премине во Милан. Галијани изјави дека трансферот на Тевез пропаднал, делумно, бидејќи Пато не премина во ПСЖ. А пак Киа Јорабчијан открива дека Тевез сеуште има шанси да премине во Милан и дека Коринтијанс, кој сеуште е заинтересиран за аргентинецот, мора да ја разбере желбата на фудбалерот.

“Тевез му должи на Коринтијанс, но тие треба да го прифатат фактот дека тој сака да игра во Милан. Преговорите помеѓу Милан и Манчестер Сити не се завршени. Ќе има уште средби, но јас и Тевез ќе мора да чекаме, чекаме и чекаме.” – изјави агентот на аргентинецот.

Тренерот на Милан, Масимилиано Алегри повторно има проблеми со повредите на играчите од средниот ред. Гатузо и Аквилани ќе паузираат 1 месец поради повреда, Таиво и Сидорф поради настинка го пропуштаат Интер, а пак Тиаго Силва на денешниот тренинг се повредил и е неизвесен за утрешното дерби.

“Навистина оваа сезона имаме многу лош распоред. Ако од сега се повредуваат играчите, тогаш навистина незнам што ќе правам кога ќе играме против Наполи, Лацио и Удинезе, а потоа ни следува 1/8 против Арсенал. Ова е веќе втор пат да имам проблеми со повредите на играчите од средниот ред.” – изјави Алегри.

“На голманската позиција ќе биде Абиати, за одбраната сеуште не сум одлучил, бидејќи незнам до утре како ќе се чувствува Тиаго Силва. Во Бергамо, на Емануелсон му дадов шанса, односно да игра зад напаѓачите како плејмејкер нешто како поофанзивно. Боатенг го ставив нешто поназад, односно да игра заедно со Ван Бомел и Ночерино, кој одигра одлично. Како плејмејкер би требало да биде Робињо, додека пак во нападот најверојатно ќе бидат Пато и Ибрахимовиќ.” – заврши тренерот на Милан.

Тиаго Силва е “Ибра”, но во одбраната. Така тврди швеѓанецот, а додаде и дека Тиаго Силва е најдобар дефанзивец со кого играл. Златан Ибрахимовиќ изјави за клубскиот канал за претстојното дерби.

“Овој натпревар е посебен, тензијата е одлична, сите зборуваат за тоа, постои притисок. Треба максимално да се сконцентрираме и не смееме да размислуваме на тоа што Јувентус ќе направи во попладневните часови, бидејќи ние зависиме сами од себе.” – изјави швеѓанецот.

Златан Ибрахимовиќ, пред големото градско дерби против Интер го пофали неговиот соиграч Тиаго Силва.

“Бразилецот е навистина неверојатен играч, досега не сум видел нешто слично на него. Тој е како мене, но во одбраната. Играв со многу големи дефанзивци како Турам, Канаваро, Пујол, Пике, но никогаш не сум видел подобар играч од Тиаго Силва.” – заврши напаѓачот на Милан.